August 2017 ~ KhmerFoods

Thursday, August 31, 2017

ខ្ញី មានសារៈសំខាន់ណាស់សម្រាប់សុភាព

August 31, 2017ខ្ញី មានសារៈសំខាន់ណាស់សម្រាប់សុភាព, ចំនេះដឹងទូទៅ

តើនរណាខ្លះដឹងថា ខ្ញី មានសារៈសំខាន់ណាស់សម្រាប់សុភាព?!!

ខ្ញីត្រូវបានគេប្រើប្រាស់ច្រើនបំផុតទាំងក្នុងម្ហូបអាហារនិងធ្វើជាថ្នាំព្យាបាល។ ការសិក្សាផ្នែកវេជ្ជសាស្ត្រថ្មីៗនេះបានអះអាងថា មនុស្សយើងប្រើខ្ញីធ្វើជាថ្នាំបំបាត់ហើមពោះ, បំបាត់រោគក្អក, ថ្នាំធ្វើឱ្យបែកញើស និងជួយការស្រូបយកជាតិថ្នាំផ្សេងទៀតសម្រាប់រាង្គកាយទាំងមូល។

💡អ្នកអាចប្រើខ្ញីសម្រាប់ការព្យាបាលដូចជា៖

x-បន្ថយកូលេស្តេរ៉ុល

x-រកកលចង់ក្អួត, ក្អួត, ពុលពេលធ្វើដំណើរតាមយាន្តជំនិះ

x-ដំណើរវិលមុខ, ដំណើរចាញ់គភ៌របស់ស្ត្រី

x-កាត់បន្ថយសម្ពាធឈាមឡើងខ្ពស់

x-ឈឺពោះ, ការពិបាកក្នុងការរំលាយអាហារ, ហើមពោះ, និងឆ្អល់ពោះ

x-បាត់បង់ចំណង់បរិភោគអាហា

x-ប្រឆាំងនឹងជំងឺផ្តាសាយ, ក្អក, និងក្តៅខ្លួន

x-ជួយសម្រួលលំហូរទឹកប្រមាត់

x-សារធាតុប្រឆាំងអុកស៊ីតកម្ម

សារធាតុសំខាន់របស់ខ្ញីគឺប្រេងដែលមានក្លិនក្រអូប, សារធាតុប្រឆាំងអុកស៊ីតកម្ម និងជាតិហឺររបស់វា។ ឥទ្ធិពលរបស់ខ្ញីទៅលើការព្យាបាលគឺដោយសារជាតិហឺររបស់វា។

យល់ដឹងពីក្រូចថ្លុងមានសារៈសំខាន់សម្រាប់សុខភាព

August 31, 2017ចំនេះដឹងទូទៅ, យល់ដឹងពីក្រូចថ្លុងមានសារៈសំខាន់សម្រាប់សុខភាព

តើនរណាដឹងខ្លះយល់ដឹងពីក្រូចថ្លុងមានសារៈសំខាន់សម្រាប់សុខភាព?

ក្រូចថ្លុងល្អសម្រាប់ ការរំលាយអាហារ, ជួយបញ្ចុះទម្ងន់, និងនៅ មានផលប្រយោជន៍ ច្រើនជាងនេះទៅទៀត ដោយសារ វាមានប្រមាណ៩% អាស៊ីតស៊ីទ្រិក, ១៤% ស្ករ, ប៉ូតាស្យូម, ហ្វូសហ្វ័រ, កាល់ស្បូម, ពពួកវីតាមីន C, A, B1។

💡យល់ដឹងពីក្រូចថ្លុងមានសារៈសំខាន់សម្រាប់សុខភាពដុចខាងក្រោម!!

បញ្ចុះទម្ងន់៖ ការស្រាវជ្រាវមួយរបស់មជ្ឈមណ្ឌលស្រាវជ្រាវជីវជាតិនិងការបំប្លែង Scripps Clinic, អាមេរិកចាត់ទុកថា ការបន្ថែមក្រូចថ្លុង ទៅក្នុងរបបទទួលទានប្រចាំថ្ងៃអាចជួយបញ្ចុះទម្ងន់ប្រសិទ្ធភាព។ ការស្រាវជ្រាវដំណើរការលើមនុស្ស១០០នាក់, អូសបន្លាយរយៈពេល១២សប្តាហ៍។ លទ្ធផលក្រុមប្រើប្រាស់ឱសថក្លែងបន្លំថយចុះមធ្យម ០,២៧៥គីឡូក្រាម, ក្រុមប្រើ សារជាតិចម្រាញ់ពីក្រូចថ្លុងស្រកទម្ងន់១,០៩គីឡូក្រាម, ក្រុមប្រើទឹកក្រូចថ្លុងថយចុះ ១,៤៩គីឡូក្រាម និង ក្រុមប្រើក្រូចថ្លុងស្រស់ស្រកបាន ១,៥៩គីឡូក្រាម។ ពួកអ្នកស្រាវជ្រាវបង្ហាញថា ក្រូចថ្លុងធ្វើឱ្យថយចុះ insulin ក្នុងសរីរាង្គ, ជំរុញការបញ្ចុះទម្ងន់ ។

បន្ថយគ្រុនក្តៅ និង ជំងឺផ្តាសាយ៖ ទឹកក្រូចថ្លុង ជួយអ្នកជំងឺឱ្យមានសុខភាពល្អឡើងវិញក្រោយជំងឺគ្រុនក្តៅ, បន្ថយ អារម្មណ៍ក្តៅរោលរាលដោយសារសីតុណ្ហភាពសរីរាង្គឡើងខ្ពស់ និងជា ឱសថមានតម្លៃចំពោះជំងឺគ្រុនផ្តាសាយ ។

ពិបាករំលាយអាហារ៖ ក្រូចថ្លុងមានប្រយោជន៍បំផុត ក្នុងការដោះស្រាយបញ្ហាហើមពោះ, ពិបាករំលាយអាហារ វាធ្វើឱ្យថយចុះកម្តៅ និងរំញោចសកម្មភាពរបស់ក្រពះ, កែប្រែឱ្យប្រសើរចរន្តហូររបស់រំអឹលរំលាយអាហារ, ជួយសរីរាង្គរំលាយអាហារល្អជាង។

ជំងឺទឹកនោមផ្អែម៖ អ្នកជំងឺទឹកនោមផ្អែមគួរបរិភោគក្រូចថ្លុងមួយផ្លែក្នុងមួយថ្ងៃ។ បរិភោគក្រូចថ្លុងអាចរារាំងបរិមាណម្សៅបញ្ចូលទៅក្នុងសរីរាង្គ ហេតុនេះជួយបន្ថយក្តីបារម្ភអំពីជំងឺទឹកនោមផ្អែម។

ទល់លាមក៖ ផឹកទឹកក្រូចថ្លុងស្រស់មួយកែវនៅពេលព្រឹក ជាឱសថ ល្អបំផុតដើម្បីគ្រប់គ្រងអាការៈទល់លាមក។ ក្រូចថ្លុងពង្រីកប្រសិទ្ធភាព ក្នុងការរំញោចពោះវៀនធំ និងបណ្តាផ្នែកដទៃទៀតរបស់សរីរាង្គ, រារាំងការ កើតអាការៈទល់លាមក។

ផ្លូវមូត្រមិនប្រក្រតី៖ ទឹកក្រូចថ្លុងសម្បូរប៉ូតាស្យូម និងវីតាមីន C។ អ្នកបត់ជើងតូចតិច ដោយសារបញ្ហាអំពីថ្លើម, ក្រលៀន, បេះដូង គួរផឹកទឹកក្រូចថ្លុងទៀងទាត់។ បរិភោគក្រូចថ្លុងរាល់ថ្ងៃ ក៏ ជាវិធីបន្ថយជំងឺរលាកសន្លាក់សណ្ឋានទាប, lupus ។

ប្រឆាំងមហារីក៖ អ្នកជីវជាតិវិទ្យានៅមជ្ឈមណ្ឌលស្រាវជ្រាវមហារីកមហាវិទ្យាល័យ ហាវ៉ៃ, អាមេរិក នៅឱ្យដឹងថា ការផឹកទឹកក្រូចថ្លុង៥៣០មិល្លីលីត្រក្នុងមួយថ្ងៃ នឹងធ្វើឱ្យសកម្មភាពរបស់ CYPIA2 ដែលជាអង់ហ្ស៊ីមមួយរំញោចសកម្មភាពរបស់សារជាតិគីមី បង្កជំងឺមហារីកក្នុងផ្សែងបារីថយចុះគួរឱ្យកត់សម្គាល់។ ក្រៅពីនេះ ក្រូចថ្លុងសម្បូរសារជាតិ flavonoid មានឥទ្ធិពលដូចជា សារជាតិប្រឆាំងអុកស៊ីតកម្ម ធម្មជាតិ១, ការពារនិងទប់ស្កាត់សកម្មភាពរបស់ពពួកសារជាតិបង្កមហារីក។ ក្រូចថ្លុងមានពណ៌ផ្កាឈូក, ក្រហម ផ្ទុកបរិមាណ lycopene ខ្ពស់, ជួយប្រឆាំង អុកស៊ីតកម្ម រួមចំណែកធ្វើឱ្យថយចុះគ្រោះថ្នាក់មហារីកក្រពេញប្រូស្តាត ។

បរិភោគក្រូចថ្លុងច្រើនពេលប្រើប្រាស់ឱសថមួយចំនួនអាចបង្កជា បាតុភូតប្រតិកម្មថ្នាំ(ប្រតិកម្មតែងកើតឡើងដល់៣ថ្ងៃក្រោយពេលបរិភោគឬផឹកទឹកក្រូចថ្លុង)។

សារះប្រយោជន៍នៃសំបកក្រូច សម្រាប់សុខភាព

August 31, 2017ចំនេះដឹងទូទៅ, សារះប្រយោជន៍នៃសំបកក្រូច សម្រាប់សុខភាព

តើនរណាដឹងខ្លះសារះប្រយោជន៍នៃសំបកក្រូច សម្រាប់សុខភាព?

យោងតាមគេហទំព័រសុខភាពរបស់ NaturalNews បានឲ្យដឹងថា ផ្លែក្រូចគឺជាប្រភេទផ្លែឈើ ដែលផ្ទុកនូវ វីតាមីន Cច្រើន និងអាចជួយទ្រទ្រង់ សុខភាពរបស់មនុស្សបានច្រើន ហើយថ្វីត្បិតផ្លែក្រូចមានច្រើនប្រភេទ ប៉ុន្ដែគេបានរកឃើញថា ចំនុចសំខាន់របស់វាគឺនៅ ផ្នែកសំបក។

💡យល់ដឹងពីសារះប្រយោជន៍នៃសំបកក្រូច សម្រាប់សុខភាព!!

នៅពេលដែលអ្នក បរិភោគផ្លែក្រូច អ្នកត្រូវបកសំបកវាចេញ ប៉ុន្ដែផ្នែកពណ៌សដែលនៅជាប់ក្រូចនោះ គួរកំុយកវាចេញ ព្រោះវាមានប្រយោជន៍ដល់សុខភាពរបស់អ្នក។

អ្នកសិក្សាស្រាវជ្រាវ បានបង្ហាញថា ផ្នែកពណ៌សនេះក៏មាននៅក្នុងសំបក របស់ផ្លែប៉េងប៉ោះដែរ ហើយគេបានឲ្យឈ្មោះថា Naringenin វាអាចជួយជួសជុលផ្នែកដែលខូចរបស់ DNA ដែលបង្កទៅជា មហារីក ចំនែកឯ អ្នកស្រាវជ្រាវ ម្នាក់ទៀតក៏បានប្រាប់ថា Naringenin អាចដុតជាតិធាត់ និងធ្វើឲ្យខ្លួនប្រាណត្រលប់ពី ភាពធាត់ហួស ទៅទំងន់ធម្មតា។

យល់ដឹងពីផលប្រយោជន៍នៃចេក

August 31, 2017ចំនេះដឹងទូទៅ, យល់ដឹងពីផលប្រយោជន៍នៃចេក

តើចេកមានសារៈសំខាន់អ្វីខ្លះ សម្រាប់សុខភាព?

ពូជចេកមានច្រើនប្រភេទ វាមានរហូតដល់ទៅ ១០០ ប្រភេទឯណោះ។ ដំណាំចេកមានប្រភពចេញពីទ្វីបអាស៊ីក្រោយមកនៅ ទ្វីបអាហ្រ្វិច អាមេរិចខាងកើតឆៀងខាងត្បូង អូស្រ្តាលី…។ដំណាំចេកត្រូវការធាតុអាកាសក្តៅ ហើយសើម។ នៅតំបន់ត្រជាក់ គេក៏អាចដាំនៅក្នុងផ្ទះកញ្ចក់បានដែរ ដោយផ្តល់កំដៅនិង ទឹកឲ្យបានគ្រប់គ្រាន់។

💡យល់ដឹងពីផលប្រយោជន៍នៃចេក!!

x-ចេកមានជាតិរ៉ែ Potassium និង Phosphorus សម្រាប់ជំនួយខួរក្បាល

x-ចេកមាន Carbohydrate សម្រាប់ផ្តល់ថាមពលដល់មនុស្ស

x-ចេកមានសរសៃសម្រាប់បង្ការការទល់លាមក

x-ចេកមានជីវជាតិ A និង C សម្រាប់ជួយភ្នែកនិង បង្ការជម្ងឺគ្រុនក្តៅ៕

ស្លឹកម្រុំជាស្តេចនៃឪសថ

August 31, 2017ចំនេះដឹងទូទៅ, ស្លឹកម្រុំជាស្តេចនៃឪសថ

ហេតុអ្វីចាំបាច់ត្រូវប្រើម្រុំជាប្រចាំ បើមនុស្សគ្រប់ៗគ្នាមិនទាន់មានជំងឺអ្វីផង?

ម្រុំជារុក្ខជាតិមួយប្រភេទដែលត្រូវបានស្គាល់ថាជាឱសថដល់ពូកែសាកសិទ្ធក្នុងការព្យាបាលជំងឺផ្សេងៗជាច្រើនមុខ។ម្រុំត្រូវបានគេនិយមដាំក្បែរផ្ទះសម្រាប់ទុកជាបន្លែបន្ទាប់បន្សំផងនិងជាឱសថបែបធម្មជាតិដែលមានប្រយោជន៍ដ៏ល្អដល់សុខភាព។ដោយសារអត្ថប្រយោជន៍ដ៏ច្រើនរបស់ម្រុំបានធ្វើឲ្យមានការផលិតជាផលិតផលអាហារបំប៉ន ថ្នាំគ្រាប់ និងជាសាប៊ូផងដែរ។ខាងក្រោមនេះជាអត្ថប្រយោជន៍ដែលអាចទទួលបានមកពីការទទួលទានម្រុំជាប្រចាំដែលជួយដល់សុខភាព៖!!

💡យល់ដឹងពីអត្ថប្រយោជន៍ស្លឹកម្រុំជាស្តេចនៃឪសថ!!

• កាត់បន្ថយជាតិស្ករ ទឹកនោមផ្អែមនិងទឹកនោមប្រៃបានយ៉ាងស័ក្កសិទ្ធិ

• កាត់បន្ថយជាតិខ្លាញ់ ជាតិអាស៊ីដបានយ៉ាងស័ក្កសិទ្ធិ

• កាត់បន្ថយការឈឺសន្លាក់ដៃជើង

• ជំនួយក្នុងការព្យាបាលជំងឺគីស

• សម្រួលការរំលាយអាហារ ល្អសម្រាប់អ្នកមានជំងឺទល់លាមក

• កែសម្រួលជំងឺក្រពះពោះវៀន ថ្លើម តម្រងនោម និងលើសឈាម

• ជំនួយកម្លាំង បង្កើនការចងចាំ កាត់បន្ថយស្ត្រេស និងគេងលក់ស្រួល

• ជួយបង្កើនថាមពលរាងកាយ

• ជួយរោគផ្លូវដង្ហើម ដូចជារលាកច្រមុះ បំពង់ក រលាកទងសួត រោគហឺតជាដើម

• ជួយកម្ចាត់ជាតិពុលពីក្រពះ ពោះវៀន និង សម្រកទម្ងន់បានយ៉ាងល្អប្រសើរ

• ជួយអោយស្បែកស្អាត និងក្មេងជាងវ័យ

• ជួយដល់អ្នកមានជំងឺមហារីក និង អេដស៍

• បំបាត់ភាពស្លេកស្លាំង និងជួយបន្ថែមវីតាមីន នៅក្នុងខ្លួនឱ្យបានគ្រប់គ្រាន់

• ជួយបង្កើនសមត្ថភាពផ្លូវ ។

X-សារធាតុចិញ្ចឹមដែលមាននៅក្នុងម្រុំដូចខាងក្រោម៖

• ៤៦ មុខ សារធាតុប្រឆាំងជាតិពុល កម្រិតថាមពលប្រឆាំង ORAC Value 157600

• ៣៦ មុខ សារធាតុប្រឆាំងជំងឺរលាក

• ១៨ មុខ អាមីណូអាស៊ីត

• ៩២ មុខ វីតាមីន និង រ៉ែ អូមេហ្គា ៣, អូមេហ្គា ៦, អូមេហ្គា៩, ក្លរ៉ូហ្វីល និង ហ្វាយប៊ឺ

• ១០ ដង វីតាមីន A នៃការ៉ុត

• ១៧ ដង កាល់ស្យូម នៃទឹកដោះគោ

• ១៥ ដង ប៉ូតាស្យូម នៃចេក

• ៩ ដង ប្រូតេអ៊ីន នៃទឹកដោះគោជូរ

• ២៥ ដង ជាតិដែក នៅក្នុងបន្លែបៃតង

• ៧ ដង វីតាមីនសេ នៃក្រូច

មុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំ

August 29, 2017បញ្ជីម្ហូប, មុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំ

👨‍🍳មុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំ អោយមានរសជាតិឆ្ងាញ់!!

ម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំមានគ្រឿងផ្សំ!!

-ស្ពៃក្តោប ៣០០ ក្រាមពុះជាពី បកចេញជាស្រទាប់ៗលាងទឹកឲ្យស្អាត

-សាច់ជ្រូក ៤០០ ក្រាមចិញ្ច្រាំឲ្យម៉ត់

-ស្លឹកខ្ទឹម ៣ ដើមកាត់យកតែស្លឹកទុកទាំងវែង

-ផ្សិត ២០០ ក្រាម (ផ្សិតចិន) ពុះជាពីរ

-ការ៉ុត ១ មើមកាត់ទទឹងជាចំណិតៗ ឬចិតជាក្បាច់រឹតតែល្អ

-ស្ករស ១ ស្លាបព្រាកាហ្វេ

-ទឹកស៊ីអ៊ីវ ១ ស្លាបព្រាកាហ្វេ

-ប្រេងខ្យង ១ ស្លាបព្រាកាហ្វេ

-ទឹកត្រី ២ ស្លាបព្រាកាហ្វេ

-ម្រេច កន្លះស្លាបព្រាបាយ

-អំបិល ១ ស្លាបព្រាកាហ្វេកន្លះ

-ខ្ទឹមស ៣ កំពឹសចិញ្ច្រាំ

-ជីវ៉ាន់ស៊ុយ ៤ ដើម ២ដើមហាន់តូចៗ ២ ដើមទុកដាក់ក្នុងឆ្នាំងសម្លរ

របៀបធ្វើមុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំឆ្ងុយឆ្ងាញ់!!

ជាដំបូងត្រូវដាំទឹកស្រស់ស្ពៃក្តោប និងស្លឹកខ្ទឹមជាមុនសិន ពេលដែលទឹកពុះអ្នកត្រូវដាក់អំបិល ១ ស្លាបព្រាកាហ្វេចូលក្នុងទឹកដែលកំពុងពុះនោះ បន្ទាប់មកដាក់ស្ពៃក្តោប និងស្លឹកខ្ទឹមចូលទុកប្រហែលជា ៣០ វិនាទី

ទើបស្រង់ចេញដាក់ចូលក្នុងទឹកត្រជាក់រួច ហើយក៍ស្រង់ពីទឹកត្រជាក់ទុកមួយផ្នែកសិន។

អ្នកត្រូវយកចានគោមធំមួយដើម្បីដាក់ប្រឡាក់សាច់ជ្រូកចិញ្ច្រាំ ដែលមានគ្រឿងផ្សំដូចជាៈ ជីវ៉ាន់ស៊ុយដែលបានហាន់តូចៗ, ខ្ទឹមស, ម្រេច, ស្ករស, ទឹកស៊ីអ៊ីវ,

ប្រេងខ្យង និងទឹកត្រី ១ ស្លាបព្រាកាហ្វេ រូចកូរបញ្ចូលគ្នារហូតទាក់តែគ្រឿងចូលបានសប់ល្អ។

យកស្ពៃក្តោបដែលបានស្រស់រួចពន្លារឲ្យរាបបន្ទាប់មកដាក់សាច់ ជ្រូកដែលបានផ្សំគ្រឿងរួច ១ ស្លាបព្រាបាយដាក់

នៅចំហៀងស្ពៃរួចក៍មូរហើយយកស្លឹកខ្ទឹមចងឲ្យ ជាប់ទុកមួយផ្នែកសិន។

យកឆ្នាំងដាក់ដាំទឹកឲ្យពុះដាក់ដើមជីវ៉ាន់ស៊ុយ, ការ៉ុត, ផ្សិត, អំបិល កន្លះស្លាបព្រាកាហ្វេ

និងស្ពៃក្តោបដែលបានរុំសាច់ជ្រូកចូលទៅក្នុងឆ្នាំងរួចគ្រប ១០-១៥ នាទី ឬរហូតទាល់តែឆ្អិនជាការរួចរាល់៕

យល់ដឹងខត្រីប៉េងប៉ោះមិនឲ្យបែកសាច់

August 29, 2017បញ្ជីម្ហូប, មុខម្ហូបខត្រីប៉េងប៉ោះមិនឲ្យបែកសាច់

👨‍🍳មុខម្ហូបខត្រីប៉េងប៉ោះមិនឲ្យបែកសាច់ អោយមានរសជាតិឆ្ងាញ់!!

💡មុខម្ហូបខត្រីប៉េងប៉ោះមិនឲ្យបែកសាច់ឆ្ងុយឆ្ងាញ់ ត្រូវមានគ្រឿងផ្សំដូចខាងក្រោម៖

-ប៉េងប៉ោះចំនួន ៥-៦ ផ្លែ ពុះជាពីរ

-ត្រីចំនួន ៥០០ ក្រាម (ត្រីរ៉ស ឬត្រីឆ្លាំង) ប្រឡាក់ជាមួយគ្រឿងមុន ៣០ នាទី

-ស្ករត្នោតចំនួន ០១ ស្លាបព្រាបាយ អំបិល ប៊ីចេង ម្រេច (កន្លះស្លាបព្រាកាហ្វេ) ខ្ទឹមស

-អំពៅចំនួន ៤-៥ កង់កាត់ប្រវែង ៣ ថ្នាំងដៃពុះជាចំណិត

-ខ្ទឹមសចំនួន ០៤ កំពឹសចិញ្ច្រោំ

-ទឹកត្រីចំនួន ០៦ ស្លាបព្រាបាយ

-ម្រេចចំនួន ០១ ស្លាបព្រាកាហ្វេកន្លះ

-ស្ករត្នោតចំនួន ០៣ ស្លាបព្រាបាយ

-ប៊ីចេងចំនួន ០១ ស្លាបព្រាកាហ្វេ

-អំបិលចំនួន ០១ ស្លាបព្រាកាហ្វេ

ជាដំបូងត្រូវយកឆ្នាំងមកតម្រៀបអំពៅក្រាលពីក្រោម បន្ទាប់មករៀបត្រី និងប៉េងប៉ោះទុកដោយឡែកសិន។

យកឆ្នាំងមួយទៀតដាក់ស្ករត្នោតចូល ២ ស្លាបព្រាបាយកូរឲ្យឈ្ងុយ បន្ទាប់មកដាក់ខ្ទឹមស ម្រេច ១ ស្លាបព្រាកាហ្វេ ទឹកត្រី ៤ ស្លាបព្រាកាហ្វេ ប៊ីចេង

កន្លះស្លាបកាហ្វេ អំបិល កន្លះស្លាបកាហ្វេ រួចកូរវាសពបន្តិចសុំយកទៅចាក់ចូលក្នុងឆ្នាំងដែលបានដែលបានរៀប ចំទុកហើយ។

យកឆ្នាំងនោះចាក់ទឹកចូល ៤-៥ វែកសម្លរ បន្ទាប់មកដាក់ចំអិន ៣០-៤០ នាទីជាការរួចរាល់៕

មុខម្ហូបសម្លរម្ជូរគ្រឿងសាច់គោ

August 29, 2017បញ្ជីម្ហូប, មុខម្ហូបសម្លរម្ជូរគ្រឿងសាច់គោ

👨‍🍳មុខម្ហូបសម្លរម្ជូរគ្រឿងសាច់គោ អោយមានរសជាតិឆ្ងាញ់!!

💡មុខម្ហូបសម្លរម្ជូរគ្រឿងសាច់គោឆ្ងុយឆ្ងាញ់ ត្រូវមានគ្រឿងផ្សំដូចខាងក្រោម៖

-សាច់គោចំនួន ៥០០ ក្រាម ហាន់ជាចំណិតស្តើងៗ

-ភ្លៅកែបចំនួន ៥០០ ក្រាម ចិតជាបញ្ឆិតវែង ២-៣ ថ្នាំងដៃ

-ប្រហុកចំនួន ១ ស្លាបព្រាបាយ (ចិញ្ច្រាំ)

-ជីនាងវងចំនួន ១ ក្តាប់ បេះជាសន្លឹកៗ

-គ្រឿងចំនួន ៣ ស្លាបព្រាបាយ

-ម្សៅស៊ុបចំនួន កន្លះស្លាបព្រាបាយ

-អំពិលចំនួន ១ ស្លាបព្រាបាយ

-ស្ករសចំនួន កន្លះសាបព្រាបាយ

បន្ទាប់ពីដាក់ឆ្នាំងលើភ្លើងឲ្យក្តៅហើយ ដំបូងអ្នកត្រូវយកសាច់គោដាក់ចូលក្នុងឆ្នាំង រួចដាក់ស្ករស, អំពិល, ម្សៅស៊ុប និងប្រហុក បន្ទាប់មកដាក់ទឹកបន្តិចច្របល់បញ្ចូលគ្នាឲ្យសព ហើយរំងាស់មួយសន្ទុះដើម្បីឲ្យសាច់ផុយ។

បន្ទាប់មកទៀត បន្ថែមបន្លែដាក់ទឹកចូលគ្របទុកប្រហែល ៥ នាទីដាក់ជីនាងវងចូលជាការរួចរាល់៕

របៀបធ្វើមុខម្ហូបបង្កងគ្រឿងការី យ៉ាងធ្ងាញ់ពិសេស

August 29, 2017khmerfood, បញ្ជីមុខម្ហុប

👨‍🍳មុខម្ហូបបង្កងគ្រឿងការី អោយមានរសជាតិឆ្ងាញ់!!

💡មុខម្ហូបបង្កងគ្រឿងការី ឆ្ងុយឆ្ងាញ់ ត្រូវមានគ្រឿងផ្សំដូចខាងក្រោម៖

-បង្កង ០១គីឡូ

-កាពិ រឺ ប្រហុក ( តាមចំណូលចិត្ត )

-គ្រឿងការី

-ម្សៅស៊ុប

-ម្ទេសក្រៀម ( ចិញ្ច្រាំអោយម៉ត់ )

-ខ្ទិះដូង

-អំបិល

-ទឹកត្រី

-ស្ករស

-គ្រឿងបុក មានដូចជា( គល់ស្លឹកគ្រៃ រំដេង រមៀត ស្លឹកក្រូចសើច ខ្ទឹមស ) បុកម៉ត់ហើយ ដាក់សណ្ដែកដី បុកលាយជាមួយអោយម៉ត់បន្តិច

ដាក់ខ្ទិះចូលក្នុងឆ្នាំង ទុកអោយឡើងប្រេងបន្តិច ដាក់ម្ទេសក្រហម ប្រហុក រឺ កាពិ

កូរអោយរៀងក្រហមបន្តិច ទើបដាក់គ្រឿងបុកកូរអោយសព្វឡើងឈ្ងុយ និង ក្រហម

បន្ទាប់មកដាក់គ្រឿងការីចូល ( បើសិនជាស្ងួត ដាក់ខ្ទិះចូលបន្តិច )

បន្ទាប់មកទៀត ដាក់បង្កង ស្ករស ទឹកត្រី អំបិល ម្សៅស៊ុប កូរចូលគ្នាអោយសព្វជាមួយគ្រឿង

រួចដាក់ខ្ទិះចូលបន្តិច ( កុំអោយច្រើនពេក ធ្វើអោយរៀងខាប់ ) ទុកអោយពុះ រួចភ្លក់មើលអោយល្មម

តាមការចូលចិត្ត ពេលឆ្អិបបង្កងហើយ ដួសដាក់ចាន រួចជាការស្រេច ។

មុខម្ហូបសម្លម្ជូរតុំយ៉ាំបង្គា

August 29, 2017បញ្ជីម្ហូប, មុខម្ហូបសម្លម្ជូរតុំយ៉ាំបង្គា

👨‍🍳មុខម្ហូបសម្លម្ជូរតុំយ៉ាំបង្គា អោយមានរសជាតិឆ្ងាញ់!!

💡មុខម្ហូបសម្លម្ជូរតុំយ៉ាំបង្គា ឆ្ងុយឆ្ងាញ់ ត្រូវមានគ្រឿងផ្សំដូចខាងក្រោម៖

បង្គាស្រស់ ៣-៤ខាំ

គល់ស្លឹកគ្រៃ០២ដើម

ផ្សិតចំបើង ០១ខាំ

ក្រូចឆ្មារ ០១ផ្លែ

ស្លឹកក្រូចសើច ០៤ សន្លឹក

គ្រឿងតុំយ៉ាំ ០១កញ្ចប់

ទឹកស៊ុប ៤ ចានចង្កឹះ

ម្ទេសស្រស់ ៥គ្រាប់

ទឹកត្រី កន្លះស្លាបព្រាបាយ

អំបិល កន្លះស្លាបព្រាបាយ

ស្ករស កន្លះស្លាបព្រាបាយ

ម្សៅស៊ុប កន្លះស្លាបព្រាបាយ។

យកបង្គាស្រស់ធ្វើឲ្យស្អាត គល់ស្លឹកគ្រៃហាន់បញ្ជិតក្រាស់ៗបន្តិច

ដាំទឹកស៊ុបឲ្យពុះ រួចដាក់គ្រឿងផ្សំខាងលើចូល មានគល់ស្លឹកគ្រៃ

ស្លឹកក្រូចសើច ក្រូចឆ្មារ គ្រឿងតុំយ៉ាំ ទឹកត្រី អំបិល ស្ករស ម្សៅស៊ុប

ផ្សិតចំបើង បង្គា ម្ទេសស្រស់ ទុកឲ្យទឹកពុះ ឆ្អិនសាច់បង្គាល្មម។

បើឆ្អិនអស់ហើយ ប្រិយមិត្តអាចភ្លក់រសជាតិជូរ ហឹរៗ និងប្រៃបន្តិច

សម្លម្ជូរពណ៌ក្រហមឆ្អិនឆ្អៅមួយនេះបានជាការស្រេច ដូចរូបខាងក្រោមនេះអញ្ចឹង។

មុខម្ហូបស៊ុបអន្ទង់

August 26, 2017បញ្ជីម្ហូប, មុខម្ហូបស៊ុបអន្ទង់

មុខម្ហូបស៊ុបអន្ទង់ អោយមានរសជាតិឆ្ងាញ់!!

💡មុខម្ហូបស៊ុបអន្ទង់ គ្រឿងផ្សំដូចខាងក្រោម៖

- អន្ទង់ចំនួន ៣០០ក្រាម

- ត្រយូងចេកចំនួន ០១(ចិតដូចស្ងោរ)

- គល់ស្លឹកគ្រៃចំនួន ២ដើម (ហាន់បញ្ឆិត ២ថ្នាំងដៃស្តើងៗ

)

- រំដេងចំនួន ៤ចំណិត (ហាន់ស្តើង)

- ស្លឹកក្រូចសើចចំនួន ៣សន្លឹក

- ខ្ញីចំនួន ៣ចំណិត (ហាន់ស្តើង)

- បង្គាយាយហ៊ឺចំនួន ៥០ក្រាម

- ទឹកដោះគោឆៅចំនួន ១កំប៉ុង (កំប៉ុងដែកខ្លី)

- ទឹកកកដុំចំនួន ៥០០ក្រាម (ដំឲ្យម៉ត់)

- ជីវ៉ាន់ស៊ុយ

- ជីរណា

- ក្រូចឆ្មា

- ភ្លៅកង្កែបចំនួន ១០០ក្រាម (កាត់៣ថ្នាំងដៃ)

- ខ្ទឹមស (ចិញ្រ្ចាំ), ប៊ីចេង, ទឹកត្រី, អំបិល, ស្ករស

- ប្រេងឆា

- ជាដំបូងដាក់ឆ្នាំងហើយដាក់ប្រេងឆាឲ្យក្តៅ និងខ្ទឹមសលីងឲ្យឆ្ងុយ បន្ទាប់មកដាក់គល់ស្លឹកគ្រៃ ស្លឹកក្រូចសើច រំដេង ខ្ញី ត្រយូងចេក និងបង្គាយាយហ៊ឺ ហើយច្រលូកឲ្យសព្វទុកឲ្យឆ្អិន។

- បន្ទាប់ពីគ្រឿងទាំងអស់ឆ្អិន សូមដាក់ទឹកកកចូល ហើយត្រូវរង់ចាំឲ្យទឹកដែលចេញពីទឹកកកពុះ។ បន្ទាប់ពីពុះហើយដាក់ ប៊ីចេង ស្ករស អំបិល និងទឹកត្រី ហើយភ្លក់មើលឲ្យល្មមតាម ចំណងចំណូលចិត្ត។

- បន្ទាប់ពីដាក់គ្រឿងហើយ សូមចាប់ផ្តើមដាក់អន្ទង់ចូលបន្តទៀត រូចរង់ចាំមួយរំពុះ ទើបដាក់ចុះពីចង្រា្កន។

-ពេលដាក់ចុះពីចង្ក្រាន ចាក់ទឹកដោះគោចូល ភ្លៅកង្កែក និងជីវ៉ាន់ស៊ុយចូលព្រមគ្នា។

KhmerFoods

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Thursday, August 31, 2017

ខ្ញី មានសារៈសំខាន់ណាស់សម្រាប់សុភាព

យល់ដឹងពីក្រូចថ្លុងមានសារៈសំខាន់សម្រាប់សុខភាព

សារះប្រយោជន៍នៃសំបកក្រូច សម្រាប់សុខភាព

យល់ដឹងពីផលប្រយោជន៍នៃចេក

ស្លឹកម្រុំជាស្តេចនៃឪសថ

Tuesday, August 29, 2017

មុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំ

យល់ដឹងខត្រីប៉េងប៉ោះមិនឲ្យបែកសាច់

មុខម្ហូបសម្លរម្ជូរគ្រឿងសាច់គោ

របៀបធ្វើមុខម្ហូបបង្កងគ្រឿងការី យ៉ាងធ្ងាញ់ពិសេស

មុខម្ហូបសម្លម្ជូរតុំយ៉ាំបង្គា

Saturday, August 26, 2017

មុខម្ហូបស៊ុបអន្ទង់

recent posts

អាហារនៅទីនេះ

🛒មុខម្ហូបឆាកញ្ឆែតសាច់គោពងអង្ក្រង

Instagram

Pages

Flickr Images

Like us on Facebook

Facebook

Popular Posts

Labels

Blog Archive

Recent Posts

Text Widget

Download