របៀបធ្វើមុខម្ហូបបង្កងគ្រឿងការី ​យ៉ាងធ្ងាញ់ពិសេស

👨‍🍳មុខម្ហូបបង្កងគ្រឿងការី អោយមានរសជាតិឆ្ងាញ់!!

💡មុខម្ហូបបង្កងគ្រឿងការី ឆ្ងុយឆ្ងាញ់ ត្រូវមានគ្រឿងផ្សំដូចខាងក្រោម៖

-បង្កង​ ០១គីឡូ

-កាពិ រឺ ប្រហុក ( តាមចំណូលចិត្ត )

-គ្រឿងការី

-ម្សៅស៊ុប

-ម្ទេសក្រៀម ( ចិញ្ច្រាំអោយម៉ត់ )

-ខ្ទិះដូង

-អំបិល

-ទឹកត្រី

-ស្ករស

-គ្រឿងបុក មានដូចជា( គល់ស្លឹកគ្រៃ រំដេង រមៀត ស្លឹកក្រូចសើច ខ្ទឹមស ) បុកម៉ត់ហើយ ដាក់សណ្ដែកដី បុកលាយជាមួយអោយម៉ត់បន្តិច

របៀបធ្វើមុខម្ហូបបង្កងគ្រឿងការី ​ឆ្ងុយឆ្ងាញ់ ដូចខាងក្រោម៖

ដាក់ខ្ទិះចូលក្នុងឆ្នាំង ទុកអោយឡើងប្រេងបន្តិច ដាក់ម្ទេសក្រហម ប្រហុក រឺ កាពិ

កូរអោយរៀងក្រហមបន្តិច ទើបដាក់គ្រឿងបុកកូរអោយសព្វឡើងឈ្ងុយ និង ក្រហម

បន្ទាប់មកដាក់គ្រឿងការីចូល ( បើសិនជាស្ងួត ដាក់ខ្ទិះចូលបន្តិច )

បន្ទាប់មកទៀត ដាក់បង្កង ស្ករស ទឹកត្រី អំបិល ម្សៅស៊ុប កូរចូលគ្នាអោយសព្វជាមួយគ្រឿង

រួចដាក់ខ្ទិះចូលបន្តិច ( កុំអោយច្រើនពេក ធ្វើអោយរៀងខាប់ ) ទុកអោយពុះ រួចភ្លក់មើលអោយល្មម

តាមការចូលចិត្ត ពេលឆ្អិបបង្កងហើយ ដួសដាក់ចាន រួចជាការស្រេច ។

ចែករំលែកដោយ៖

@khmerfood