👨🍳មុខម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំ អោយមានរសជាតិឆ្ងាញ់!!
ម្ហូបស្ងោរស្ពៃក្តោបស្នូលសាច់ជ្រូកចិញ្ច្រាំមានគ្រឿងផ្សំ!!
-ស្ពៃក្តោប ៣០០ ក្រាមពុះជាពី បកចេញជាស្រទាប់ៗលាងទឹកឲ្យស្អាត
-សាច់ជ្រូក ៤០០ ក្រាមចិញ្ច្រាំឲ្យម៉ត់
-ស្លឹកខ្ទឹម ៣ ដើមកាត់យកតែស្លឹកទុកទាំងវែង
-ផ្សិត ២០០ ក្រាម (ផ្សិតចិន) ពុះជាពីរ
-ការ៉ុត ១ មើមកាត់ទទឹងជាចំណិតៗ ឬចិតជាក្បាច់រឹតតែល្អ
-ស្ករស ១ ស្លាបព្រាកាហ្វេ
-ទឹកស៊ីអ៊ីវ ១ ស្លាបព្រាកាហ្វេ
-ប្រេងខ្យង ១ ស្លាបព្រាកាហ្វេ
-ទឹកត្រី ២ ស្លាបព្រាកាហ្វេ
-ម្រេច កន្លះស្លាបព្រាបាយ
-អំបិល ១ ស្លាបព្រាកាហ្វេកន្លះ
-ខ្ទឹមស ៣ កំពឹសចិញ្ច្រាំ
-ជីវ៉ាន់ស៊ុយ ៤ ដើម ២ដើមហាន់តូចៗ ២ ដើមទុកដាក់ក្នុងឆ្នាំងសម្លរ
ជាដំបូងត្រូវដាំទឹកស្រស់ស្ពៃក្តោប និងស្លឹកខ្ទឹមជាមុនសិន ពេលដែលទឹកពុះអ្នកត្រូវដាក់អំបិល ១ ស្លាបព្រាកាហ្វេចូលក្នុងទឹកដែលកំពុងពុះនោះ បន្ទាប់មកដាក់ស្ពៃក្តោប និងស្លឹកខ្ទឹមចូលទុកប្រហែលជា ៣០ វិនាទី
ទើបស្រង់ចេញដាក់ចូលក្នុងទឹកត្រជាក់រួច ហើយក៍ស្រង់ពីទឹកត្រជាក់ទុកមួយផ្នែកសិន។
អ្នកត្រូវយកចានគោមធំមួយដើម្បីដាក់ប្រឡាក់សាច់ជ្រូកចិញ្ច្រាំ ដែលមានគ្រឿងផ្សំដូចជាៈ ជីវ៉ាន់ស៊ុយដែលបានហាន់តូចៗ, ខ្ទឹមស, ម្រេច, ស្ករស, ទឹកស៊ីអ៊ីវ,
ប្រេងខ្យង និងទឹកត្រី ១ ស្លាបព្រាកាហ្វេ រូចកូរបញ្ចូលគ្នារហូតទាក់តែគ្រឿងចូលបានសប់ល្អ។
យកស្ពៃក្តោបដែលបានស្រស់រួចពន្លារឲ្យរាបបន្ទាប់មកដាក់សាច់ ជ្រូកដែលបានផ្សំគ្រឿងរួច ១ ស្លាបព្រាបាយដាក់
នៅចំហៀងស្ពៃរួចក៍មូរហើយយកស្លឹកខ្ទឹមចងឲ្យ ជាប់ទុកមួយផ្នែកសិន។
យកឆ្នាំងដាក់ដាំទឹកឲ្យពុះដាក់ដើមជីវ៉ាន់ស៊ុយ, ការ៉ុត, ផ្សិត, អំបិល កន្លះស្លាបព្រាកាហ្វេ
និងស្ពៃក្តោបដែលបានរុំសាច់ជ្រូកចូលទៅក្នុងឆ្នាំងរួចគ្រប ១០-១៥ នាទី ឬរហូតទាល់តែឆ្អិនជាការរួចរាល់៕
Hello, my name blog is khmerfoods.